“Салауат Юлаев” көйәрмәндәре президенттан ярҙам көтә

Улар Мортаза Рәхимовҡа асыҡ хат күндерҙеләр. Унда хоккей ҡарау өсөн билеттарға бәйле хәлде яйға һалыуҙа ярҙам һорала. Әгәр ҙә хәлдәр әлегесә дауам итһә, Салауат Юлаев тамашасыһыҙ ҡаласаҡ тип иҫкәртә көйәрмәндәр. Улар билет кассаларындағы ыҙғыш-тығындар, билет менән ҡанунһыҙ сауҙалашыуға нөктә ҡуйыуҙы талап итә.

Асыҡ хатҡа әлегә яуап алынмаған. Салауат Юлаев клубы ла, президент хакимиәте лә комментарий бирмәй.