Таркан наркотик саклауда шикләнелеп кулга алынды

Төркия полициясе иң мәшһүр төрек поп җырчысы Тарканны наркотик саклауда һәм наркотик сатучылар белән бәйләнештә булуда шикләнеп кулга алды.

Тарканның Истанбул янындагы йортында беркадәр һашиш табылуы хәбәр ителә.

Дөньяга танылган җырчы аның белән бәйләнештә булуда шикләнелгән 2 наркотик сатучыга каршы полиция чарасы вакытында тоткарланган.