Петербурда кеше хокуклары торышы турында хисап чыкты

Петербурның хокук яклау шурасы шәһәрдә 2009 елдагы хокук бозулар турында хисабын чыгарды.

Хисапта гаскәргә алынучыларның гаскәргә алынганда хокуклары бозылу, урта һәм кече эшмәкәрләрнең хокуклары бозылу һәм җирле сайлаулар вакытындагы канун бозулар турында әйтелә.

Анда шулай ук Петербурда кыяфәте славяннарга ошамаган кешеләргә һөҗүмнәрнең артуы әйтелә.