Газпром бинасы тирәсендәге шартлауны чечен сугышчылары оештырган

Газпромның Мәскәүдәге үзәге тирәсендә булган шартлауда җаваплыкны чечен сугышчысы Доку Умаров үз өстенә алды.

Умаров kavkazcenter.com сайты аша тараткан белдерүендә, 3 көн элек булган шартлауның үзләре тарафыннан оештырылуын әйтте.

Умаров чыгышында, "Газпром тирәсендәге шартлау Кремльнең чечен сугышчыларны җиңү омтылышының уңышсыз булуын күрсәтү" максатында оештырылуын әйтте.

9 августта Мәскәүдә булган шартлауда зыян күрүче булмаган иде.