Гыйракның төрле шәһәрләрендә булган һөҗүмнәрдә дистәләгән кеше үлде

Гыйракта чәршәмбе кич белән булган интихар һөҗүмнәрендә 60 кеше үлде, 250дән артык кеше яраланды.

Һөҗүм 10 шәһәрдә, шул исәптән, башкала Багдадта да оештырылган. Үлгәннәр арасында 20 полиция хезмәткәренең булуы белдерелде.

Иминлек көчләрен хәдәф итеп алган һөҗүмгә кадәр АКШ Гыйрактагы соңгы хәрби бүлекчәсен чыгарган булган.

Генерал Стефан Ланза һөҗүмнәрнең Гыйрак иминлек көчләренең ышанычын бетерү, өметсезлек уяту максатында оештырылуын белдерә.