Интернетта Башҡортостан тураһында япон телендә сайт булдырыла. Республика хөкүмәт аппараты етәксеһе Илшат Тажетдинов әйтеүенсә, Япония ширҡәттәре Башҡортостан менән ныҡлап ҡыҙыҡһына. Төрлө өлкәләрҙә хеҙмәттәшлек өсөн уларға республиканың иҡтисади ҡеүәте тураһында тәрән мәғлүмәт кәрәк. Сайт Рәсәйҙең Япониялағы вәкиллеге порталында урынлаштыраласаҡ. Ошо көндәрҙә республика делегацияһы эш сәфәре менән Японияла булды.
