Кытай Пакстанны стратегик партнеры дип күрә

Кытай премьер-министры Вэнь Цзябао Пакстанны Кытайның стратегик партнеры дип атады.

Бүген Исламабадка өч көнлек сәфәрен тәмамлаган Вэнь Цзябао Пакстан парламентының ике пулатының уртак утырышында чыгыш ясады.

Кытай премьеры Пакстанның террорчылыкка каршы көрәшен югары бәяләде.

Әлеге сәфәр барышында Кытай белән Пакстан арасында 35 миллиард долларлык сәүдә килешүләре имзаланды.