Страсбург мәхкәмәсе чыгарган карарларның 25 проценты хөкем эшләренең нигезле вакытта башкару кагыйдәләре бозылуына, ягъни артык озакка сузылуына бәйле, тагын 56 эш гадел хөкем тикшерүендә хокуклар бозылуга кагыла.
Соңгы алты ел эчендә Европа кеше хокуклары мәхкәмәсенә мөрәҗәгать итүче русияләр саны бик нык кимегән. "2010 елда Русия халкыннан 14,3 меңнән артык мөрәҗәгать булса, 2016 елда 5,6 мең булган", ди Югары мәхкәмә рәисе.
Моннан тыш, бүгенге киңәшмәдә Лебедев Җинаять кодексының урам җыеннары уздыру кагыйдәләрен күп тапкырлар бозу турындагы маддәдән баш тарту яклы булуын белдерде. Ләкин бу "минем шәхси фикер, мәхкәмәдә әлеге мәсьәләне карамадык", диде Вячеслав Лебедев.
