Accessibility links

Кайнар хәбәр

Әфганстан президентының сайлау алды чарасында шартлау нәтиҗәсендә 20дән артык кеше һәлак булган


Әфганстан иминлек көчләре

Әфганстан президенты катнашкан сайлау алды митингында шартлау нәтиҗәсендә 25 кеше һәлак булган. Аларның берсе - интихарчы.

Әфганстанның Пәрван вилаятендә президент Ашраф Гани катнашында узган сайлау алды чарасында шартлау булган. Шартлаткыч чарага керү урынында торган мотоциклга куелган булган. Аны интихарчы шарталткан дип хәбәр итә 1TV. Нәтиҗәдә 24 кеше һәлак булган, тагын 31 кеше яраланган. Президент һәм аның кешеләренә зыян килмәгән диелә.

Шартлау өчен җаваплылыкны үз өстенә алучылар әлегә юк.

Илдә президент сайлау 28 сентябрьгә билгеләнгән. Элегрәк "Талибан" вәкилләре тавыш бирүне булдырмаска җыенулары турында белдергән иде.

фикерләр

XS
SM
MD
LG