Möselman dönyası bügen izge äl-ädhä, üzebezçä äytsäk – Qorban bäyrämen bilgeli. Bügen şulay uq här sälämät häm aqçası bulğan möselman qılırğa tieşle farız – izge Söğüd Ğäräpstanda izge Hac ğämäle dä tämamlana. Mäskäw Kremlendä Rusiä prezidentı Putin bügen bäyräm uñayınnan Rusiäneñ möftilär şurası räise Rawil xäzrät Ğäynetdin häm Tönyaq Kavkaz möselmannarı şurası räise İsmail Berdiyev belän oçraştı. Rawil xäzrät Ğäynetdin tağın ber tapqır İslam dineneñ – tınıçlıq dine bulğanın azsızıqladı. Möselmannar bu könne qorban çala, bäyräm namazlarına qatnaşa, wäğäz tıñlıy, qunaqqa yöreşä, moxtaclarğa sädäqä birä.
