Rusiä tışqı eşlär ministrı Sergey Lavrov bügen Rusiäneñ baş rabbiı Berl Lazar belän oçraşuda ministrlıq ildäge barlıq ksenofobiägä häm çıdamsızlıq problemaların çişä almıy dide.
Lavrov ksenofobiäneñ säbäpläre xoquq saqlaw oyışmalarınıñ mömkinleklärennän tirändäräk yata dide. Ul problemanı buldırmaw öçen mäğrifätne yaxşırtırtu yardäm itär ide dide.
"Bu küreneş xökümätneñ, dini törkemnärneñ häm cämäğät oyışmalarınıñ cämğiätne tärbiäläw eşenä küpkä citdieräk iğtibar birüen taläp itä" dide Lavrov.
Lazar Lavrovqa Rusiädä yähüdlärgä häm başqa milli azçılıqlarğa qarata näfrät xisläre barlıqqa kilüen kürüe turında belderde. 11-nçe ğinwarda Mäskäw sinagogasında pıçaqlı ber yäş keşe 8 keşene yaraladı. Rusiä yähüdläre xakimiätlärdän mondıy xällärneñ qabatlanmawı öçen çaralar kürüne taläp itte.
