Accessibility links

Кайнар хәбәр

Germaniä belän Britaniä İrannıñ atom programması mäsäläsen diplomatiä aşa çişüne yaqlıy


Berlinda Britaniä premyer ministrı Tony Blair Britaniä belän Germaniä İrannıñ atom programması mäs'äläse diplomatik yul belän çişelergä tieş dip kileşte dide. Blair Germaniä kanslerı Angela Merkel belän oçraşudan soñ urtaq matbuğat oçraşuında "Bez İrannıñ atom programması mäs'äläsen qatğıy itep, ämma mömkin bulğan diplomatik yullar belän çişü turında söyläştek" dide. Elegräk Britaniä, Germaniä häm Fransiä Yewropa Berlege isemennän İran belän anıñ atom programması turında söyläşülär ütkärde. Ämma İran tuqtatılğan atom eşçänlegen yañartuın iğlan itkännän soñ söyläşülär özelde. Blair belän Merkel Yewropa Berlege illären energiä belän tä'min itü mäs'äläse, häm Fälestin parlament saylawlarında Xämas suğışçan törkemeneñ ciñep çığuı turında da söyläşte. Bu Merkel 2005-nçe noyäberendä citäkçelekkä kilgännän soñ Blairnıñ Germaniägä berençe säfäre.
XS
SM
MD
LG