Baku -- Rusiä prezidentı Vladimir Putin Äzärbaycan belän Ärmänstan arasındağı Tawlı Qarabax söyläşülärenä yärdäm itergä teläk belderde. Bügen Bakuda Äzärbaycan prezidentı İlham Aliev belän ütkärgän matbuğat oçraşuında, Putin, Ärmanstan prezidentı Robert Koçariannı Mäskäwgä çaqıru niäten äytte. Şuşı ayda Parijda ütkän söyläşülärdä Aliev belän Koçarian uñışqa ireşä almadı. Putin süzlärençä, Mäskäw bu bäxästä ber tarafnı da totmıy, elekke sovet illärendä konfliktlarnıñ betüen teli. "Rusiä, çınlap ta, elekke sovet illärendä bar konfliktlarnıñ çişelüen teli. Kemder başqaça äytä ikän, bu – yä adaşu, yä bezneñ xalıqlarnı adaştıru tırışlığı", di ul. Putin belän Aliev, xärbi-texnik xezmättäşlek ike il arasındağı strategik partnerlıqnıñ möxim öleşe bulıp tora, digän urtaq belderü imzaladı.
