Ğiraqtağı töp sönni parlament blogı qayber şartlar ütälgändä xökümät tözü söyläşülärenä boykotnı beterergä äzer buluın belderde.
Milli kileşü frontı başlığı Adnan äd-Dulaimi töp şart Şığıylar basıp alğan sönni mäçetlären qaytaru dide.
Sönni partiälär Sämarrada uzğan çärşämbe könne şığıylar törbäse şartlatılğannan soñ başlanğan mäzhäb-ara bäreleşlär waqıtında Şığıy suğışçılar sönni mäçetlärne basıp aldı di.
Ul bäreleşlärdä inde 200-dän artıq keşeneñ ğömere özelde.
Politsiä äytüençä, bügen Bağdadnıñ şığıylar yäşi torğan öleşe minaatqıçtan utqa totılğan. 4 keşe hälak bulğan, 16 keşe yaralanğan. Mäzhab-ara bäreleşlär buldırmaw öçen 3 kön elek kertelgän köndezge komendant waqıtı bügen beterelde.
Tönge komendant waqıtı Bağdadta häm tağın 3 wilayättä äle dä däwam itä.