Üzbäkstan xäkimiäte bäysez mäğlümät çaralarına häm demokratik institutlarğa yärdäm itüçe “Yevraziä fondınıñ” eşçänlegen tuqtatqan. Bu xaqta “Azatlıq” radiosına “Yevraziä fondınıñ” Taşkent bülege citäkçese Jeff Erlich xäbär itte. Anıñ süzlärenä qarağanda, bu qarar Yustitsiä ministrlığı taläbe belän, fondnıñ citäkçelege ictimağıy oyışmalar xaqındağı qanunnı bozğan, digän gäyep belän, qabul itelgän. Düşämbe könne Taşkent mäxkämäsendä xoquq yaqlawçı “Freedom Haus” oyışmasın yabu turındağı eş qarala başlağan. Prokuratura, xoquq yaqlawçılar, terkälü röxsätennän başqa eşlägännär dip raslıy.
