Minskida Üktäber mäydanında qulğa alınğan berniçä yöz keşedän, biş keşe 10 täwlekkä iregennän mäxrüm itelgän, dip xäbär itä «Azatlıq» radíosı xäbärçese. Litva, Ukraina ilçelekläre, Belarusnıñ tışqı eşlär ministrlığına möräcäğät itep, üz watandaşlarınıñ totqarlanuı xaqında räsmi raslaw soradılar. Görcestannıñ tışqı eşlär ministrlığı Görcestan telewidenieseneñ 2 curnalistın azat itüne taläp itä. Polşanıñ diplomatia missiase qulğa alınğannar arasında Polşanıñ Minskiydağı elekke ilçese Maríuş Maşkeviçnı ezli. Qulğa alınğannarnıñ tulı isemlege haman iğlan itelmägän.
