Beslan faciğäsınnan soñ oyıştırılğan «Beslan tawışı» dip atalğan oyışma, bügen Beslanda eş bülmälärsez qalğan. Bu xäl «Beslan tawışınıñ» kiçäge belderüennän soñ kilep çıqqan.Bu oyışma äğzäläre Rusiä prezidentı Vladimir Putinnıñ wäkälätlären ozaytırğa dip, referendum ütkärergä digän täğdimgä qarşı çıqqan. «Beslan tawışı» oyışması citäkçese Ella Kesayıva, “Azatlıq” radíosına birgän äñgämäsendä, oyışmadan çitläşterelgän berniçä keşe, üzbeldekläre belän alarnıñ eş bülmäsen basıp aldı, dip belderde. Anıñ süzlärenä qarağanda, Rusiä xäkimiätläre şuşındıy ğämälläre belän oyışmanı yuq itärgä teli.
