Liban cirennän İzrailneñ tönyağındağı Xayfa şähärenä qabat raketalardan attılar. Kim digändä 10 keşe yaralanğan. İzrail xakimiatläre Könyaq Liban xalqın aşığıç räweştä bu cirlärdän kitergä çaqırdı. İzrailneñ xärbi oçqıçları 10-nçı kön inde Libannı utqa tota. Bügen Liban belän Süriäne bäyläwçe töp yul bombalandı. Ğaza sızığında, şulay uq, İzrailneñ xärbi operasiase däwam itä. Bügen anda atışlar waqıtında 19 fälästinle hälak bulğan. İzrail Libanğa xalıqara humanitar yärdäm kertügä rizalıq birgän. İzrail xakimiate wäkile bolay: “İzrail premyer ministrı Ehud Olmert, saqlanu häm tışqı eşlär ministrları belän söyläşkäç, Qıprıs-Liban diñgez yulın açu kiräk dip sanadı. Bu yuldan Libanğa xalıqara humanitar yärdäm yökläre kerteläçäk”, - dide.
