Ğiraqnıñ alıp taşlanğan diktatorı häm anıñ 6 xezmättäşe kördlärne küpläp yuq itüdä ğäyeplänä. Tikşerü beldergänçä, 1980 yıllar axırında Ğiraq ğaskärläre ilneñ tönyäğında ütkärgän xärbi operatsia waqıtında ağulı gaz qullanğan. Yaqınça 100 meñ körd ülgän. Qayber töbäklär bötenläy can iäsez qalğan. Moña qädär mäxkämä Säddäm Xösäenne häm anıñ dairälären 1982 nçe yılda şiğıylarnıñ Dudjayl awılı keşelären küpläp üterüdä ğäyepläde. Bu ğäyepläwneñ qararı älegä çığarılmağan.
