Mäskäw ölkäse xökümäte başlığı urınbasarı Aleksandr Gornostaev, Mäskäw yanındağı Krasnogorski rayonı pänceşämbe könne tulısınça sü belän täemin itelä başlayaçaq, dip belderde. Krasnogorski rayonında häm Dedovski şähärendä, İstrino rayonındağı Naxabínoda böten mäktäplär yabılğan. Bu töbäk, Pavşino awılındağı kanalizatsia stansiasendä şartlaw näticäsendä, susız qaldı. Toraq yortlarğa su täwlegenä 3 tapqır ber säğätkä genä birelä. Şimbä könne stansiadä bulğan şartlawda 3 keşe ülgän ide. Tikşerü, Krasnogorskidağı şirkätlärneñ berseneñ kanalizasiagä berniçä kubometr atseton tügüe şartlawğa säbäp bulğan, dip belderä.
