İrtägä biregä İran prezidentı Mäxmüt Äxmädinicat belän söyläşülär öçen Ğiraq prezidentı Cäläl Talabani kilä.
Bu anıñ İranğa ikençe kilüe bulaçaq.
Talabani Ğiraqta totrıqlılıq urnaştıruda Tährannan yardäm sorar dip kötelä.
İran bu oçraşuğa Süriäne dä çaqırğan ide. Ämma xäzer inde ul öçyaqlı oçraşu mömkin tügel kebek kürenä di.
Quşma Ştatlar Tährannı Ğiraqta mäzhäbara bäreleşlär oyıştıruda ğäyepli. İran monı kire qağa.
