Törkmänstan xalıq mäslixäte uzğan atnada wafat itkän prezident Saparmurat Niyazov urınına yaña citäkçe saylawnı 2007 yılnıñ 11-nçe fevralenä bilgeläde häm namzät itep prezident wazıyfaların başqaruçı Gurbanğuli Berdemöxämmädovnı kürsätte. Konstitutsiä prezident wazıyfaların başqaruçığa namzät bulunı tıya. Ämma xalıq mäslixäte konstitutsiäne üzgärtergä täqdim itte.
Törkmänstannan çittäge töp oppozitsion törkemnärneñ berse Berläşkän Demokratik Oppozitsiä prezidentlıqqa nazmät bularaq Nurberdy Nurmammedovnı yaqlap çıqtı.
Ämma oppozision xäräkätneñ yuğarı äğzalarınnan berse Azatlıq radiosına Nurmammedov yuğaldı dip belderde.
