Batumi -- Acarstan respublikasınıñ elekke citäkçese Aslan Abaşidze qazna aqçasın üzläşterüdä, wäkälät arttıruda ğäyeplänep 15 yıl törmägä xökem itelgän. İnterfax agentlığı xäbär itüençä, Batumi mäxkämäse anı 57 million dollar külämendä aqçanı Gruziä büdjetına qaytarırğa taläp itkän. Abaşidze üze mäxkämä utırışında bulmağan. 2004 yılnıñ Mayında ul wazifasınnan çitlätelgän ide. Qayber mäğlümätlärgä qarağanda xäzer Rusiädä yäşi.
