Полиция Вирджиния Техник Университетында булган АКШ тарихында иң фаҗигале атышларны тикшерә. Ут ачкан кешенең кем булганы әле ачыкланмаган. Дүшәмбе 16 апрель көнне ул Блэксбург шәһәрендә уку йортында ут ачкан, аннары үз үзен атып үтергән. Үлгәннәрнең күбесе – студентлар. Атышлар ике урында – тулай торакта һәм уку бинасында булган. АКШ президенты Джордж Буш, корбаннар туганнарының кайгысын уртаклашты.
