Мәскәү үзәгендә йөзгә якын кеше алданган пайчылар акциясендә катнашты. Каршылык акциясендә катнашучылар башкала мэрыннан Русия президентының төзүче ширкәтләрдән зыян күргән пайчылар проблемасы хакындагы күрсәтмәләрен үтәвен таләп итә. Пайчылар хокукын яклау комитетының башлыгы Антон Беляков мәгълүмәтләренә караганда, шундый ук каршылык акциясе 10 июльдә президент администрациясеннән ерак булмаган бер урында узарга тиеш.
