Ul Tönyaq Afrikanıñ berniçä däwlätendä bulıp terrorçılıqqa qarşı köräş turında söyläşülär ütkäräçäk. Säfären başlar aldınnan Ramsfeld hawa kiñleklären AQŞ oçqıçlarına açqan, qayber xärbi basalarnı birgän häm küzläw mäğlümätlären urtaqlaşqan öçen Eritrea, Efiopia häm Djibutiğa räxmät äytergä ciınuı turında belderde. Rumsfeld bu töbäktä Äl-Qaidä terror çeltäre äğzaları bar, ämma xalıqara basım alarnıñ qayber eşlärenä qomaçawlıy dide. Rumsfeld Afrikadan soñ Qatarğa da barırğa ciına. Qatarda AQŞ ğäskärläre Ğiraqqa qarşı başlanırğa mömkin höcümgä äzerlek künegüläre ütkärä. Ramsfeld Ğiraqnıñ qoral programmaları turındağı Bağdad xisabına waqıtınnan alda bäyä birep bulmıy, 12 meñ bitlek dokumentnı öyränü öçen atnalarça waqıt kiräk bulırğa mömkin dide.
