Accessibility links

Кайнар хәбәр

Fälestin räsmiläre London konferensiäsendä video-elemtä aşa qatnaşa


Fälestin Üzidaräseneñ Mäglümät ministrı Yasser Abed Rabbo, İsrael belän söyläşülär barı tik şähit-xöcümnär betkäç häm İsrael Fälestinnärgä kertkän çikläwlären alğaç qına başlana ala, dip belderde. Bu turıda Rabbo bügen Londonda ütkän xalıqara konferensiä waqıtında, Ramalladan torıp video-elemtä aşa äytte. Fälestin Üzidaräsen üzgärtü häm İsrael-Fälestin krizisına bağışlanğan xalıqara konferensiädä Yaqın Könçığışta aradaşçı bulğan 4 taraf qatnaşa: Rusiä, Quşma Ştatlar, Yevropa Berlege häm Berläşkän Millätlär Oyışması. İsrael räsmiläre oçraşuğa çaqırılmadı. Fälestin delegatsiäse Londonğa kilä almadı häm konferensiädä video-elemtä aşa qatnaşa. Küptän tügel bulğan şähit-xöcümnär säbäple İsrael Fälestin räsmiläreneñ xäräkät itü mömkinlegen çikläde. Britaniä Tışqı eşlär ministrı Jack Straw İsraelneñ bu qararına ükeneç belderde:

Audio

Älbättä, video-konferensiä küzgä-küz oçraşunı alıştıra almıy. Läkin bügenge çara andıy oçraşuğa yul aça. Fälestin citäkçeläre kiläçäktä irekle xäräkät itergä tieş.
XS
SM
MD
LG