Accessibility links

Кайнар хәбәр

Gruziä Pankisi tarlawığında terrorçılar çeltären yuq itüdä küp eş başqarğan


Bu xaqta bügen Münhenda uzğan xalıqara konferensiädä Gruziäneñ Milli İminlek Şurası sekretare Tedo Japaridze xäbär itte. Gruziä şulay uq, töbäkkä çeçen terrorçılarınıñ ütep kerüen buldırmas öçen eşne äle däwam itä, dip östäde Japaridze.

Gruziä wäkile Qara diñgez iminlek oyışmasın tözüne täqdim itte. Älege oyışma Tärkiä, Bolğarstan, Rumıniä, Gruziä , Ukrainanı häm ayırım şartlar belän Rusiäne üz eçenä alaçaq. Ukraina häm Polşa aşa älege oyışma Baltıyq diñgeze iminlek sisteması belän elemtä qorıp Yevropada Baltıyq buyınnan Qara diñgezgä qadär iminlek tirälege tözergä yardäm itäçäk. Şulay uq Japaridze oyışmağa Azerbaycannı alırğa da täqdim itte. Monıñ belän Kaspi diñgeze baylıqlarınıñ turı Yevropa bazarlarına elägüenä mömkinleklär tudırıla. Neft Azerbaycannan Gruziä häm Törkiä aşa könyaqtağı NATO illärenä häm Gruziä, Ukraina häm Polşa aşa tönyaqtağı NATO illärenä cibärelä ala. Yevro-Atlantik Berlek öçen bu barı tik fayda kiteräçäk, dide Gruziäneñ Milli İminlek Şurası başlığı Tedo Japaridze.
XS
SM
MD
LG