Kosovo premier ministırı Bayram Recepi taratılğan Kosovo İreklek Armiese yäki UCKnıñ eleke äğzaların qulğa alu däwam itsä ildäge politik progressqa zarar xätta xökümätneñ cimerelüenä kiterä ala dip belderde. Recepi kiçä kiç Priştina Universitetı studentları belän ängämä waqıtında ütkän atnada 4 UCK veteranı şulsanda Kosovo meclese deputatı Fatmir Limaynıñ suğış cinayätlärendä ğäyeplänep qulğa alınuı , Kosovo oyışmaları Haagadağı BMOsı suğış cinayätläre mäxkämäsenä xörmät belän qarıy alaçaqmı digän şik tudıra dide. Premier, Limay ğönaxsız häm anıñ suğış cinayetläre eşlämäwenä ışanam dip belderde. Kosovodagı BMOsı missieseneñ citäkçese Michael Steiner häm AQŞ missiese başlığı Reno Harnish kiçä UCKnıñ eleke säyäsi başlığı Haşim Tacı belän qulğa alular turında söyläştelär.
Kosovonıñ tanılğan serb säyäsätçese Momçılo Traykoviç 4keşeneñ qulğa alınuınnan soñ Kosovoda wazğiät nıq kiskennäşte dide.Anıñ süzlärençä,alban ğıysyançıları bigräk tä tanılğan keşelärneñ qulğa alınuın tuqtatu mäqsatında xalıqara cämäğätçelekkä basımnı arttıru öçen adımnar atlıy ala.
