Dähli. Hindstannıñ könbatış yarında ilneñ xärbi diñgez köçläre 18-nçe ğasırda batqan ber britan säwdä korabı qaldıqların tabıp, andağı qızıqlı tabıldaqlar buluwın açıqladı. Hindstannıñ xärbi diñgezçeläre ilneñ arxeologiä belgeçläre belän, “Prince Royal” dip atalğan şul korab qaldıqların kütärep, anda 4 tup, köymäneñ iseme yazılğan çañ, çınayaqlar, bizälgän çülmäklär taptı. Belgeçlär äytüwençä, şuşı korab könyaq-könçığış Aziädän kilgändä Ğäräp diñgezendä 1790-nçı yıllar tiräsendä hälakätkä oçrağan häm batqan. Andağı tabıldıqlar xäzer hind başqalası Dählidä kiläse atnada açılaçaq häm diñgez arxeologiäsenä bağışlanğan xalıqara seminarda kürsäteläçäk.
