Rusiä tışqı säyäsät başlığı İgor İvanov häm Berläşkän Millätlär Oyışmasınıñ Äfğanstandağı maxsus wäkile Lakhdar Brahimi, böten iğtibarnıñ Ğiraq suğışına birelüe xalıqara cämäğätçelekne Äfğanstandağı eşlärne küzätep baruınnan tuqtatmasqa tieş, dip belderde. İvanov süzlärençä, Ğiraqta barğan suğıştan tış iğtibardan töşep qala almıy torğan başqa mäs’älälär dä bar, häm alar arasında Äfğanstan iñ berençe urında tora.
Ğiraqqa qarşı suğış Äfğanstanda da radikal İslam suğışçan oyışmalarınıñ aktivlaşıp kitüenä kiterä ala, dide İvanov. Rusiä räsmiläre belän Mäskäwdä oçraşular uzdırğan Brahimi, suğışta qatnaşuçı qayber illäre Äfğanstanğa bülengän yardämne birmi qaluları da bar, dide.
