Accessibility links

Кайнар хәбәр

Bush häm Putin Piterburda söyläşülär ütkärde


Piterbur. Rusiä häm Quşma Ştatlar prezidentları, Vladimir Putin häm George Bush bügen, "sigezlek"neñ Eviandağı oçraşuwına kitär aldınnan Piterburda söyläşülär ütkärep, strategik atom qoralların qısqartu kileşüwen ğämälgä kertü qäğäzläre belän almaştı. Şul kileşü nigezendä ike yaq ta 2012-nçe yılğa qädär üzendäge strategik atom qoralların öç märtäbä qısqartırğa tieş bulaçaq. İke prezident ta, Quşma Ştatlar belän Rusiä arasındağı xezmättäşlek, Ğiraq suğışı häm Mäskäwneñ İranğa atom texnologiäläre birüwe kebek soñğı kileşmäwçänlekkä qaramastan sälämät bulıp qala birä dip belderde. Vladimir Putin üz ileneñ İranda atom stansiäse tözüwen yaqlap çıqtı, üzeneñ bu mäs'äläne Rusiä şirkätläre mänfäğätlären çikläw maqsatında qullanuğa qarşı buluwın äytte. Söyläşülärdä prezident George Bush Rusiä citäkçesen sintäbr ayında üzeneñ Camp Davidtağı utırmasına çaqırdı.
XS
SM
MD
LG