Russiä tışqı eşlär ministrlığı wäkile Aleksandr Yakovenko İtar-Tass agentlığına Russiä İrannıñ Atom texnologiäläre taraluğa qarşı xalıqara kileşüneñ qatıraq tikşerülärgä yul açuçı östämä protokolın imzalawın teli, ämma, Tähran bu protokolnı imzalamasa da, Russiä İrandağı Buşer atom elektr stansiäsen yağulıq belän tä'min itäçäk.
Yakovenko atom yağulığı belän tä'min itüne İrannan Russiägä nurlanışlı qaldıqlar kiterü turında tizdäm imzalanır dip kötelüçe kileşü belän bäyläde.
Kiçä Britaniä premyer-ministrı Tony Blair parlamentta, Russiä prezidentı Vladimir Putin, ägär dä İran ul protokolnı imzalamasa, atom yağulığı birmäskä wäğdä itte digän ide.
