Bügen Powell Fälestin premyer-ministrı Mäxmüt Abbastan solıx yulı planı nigezendä Fälestin iminlek xezmätlären tiz arada reformalawnı sorayaçağın belderde.
Powell fälestinlelärneñ Hamas suğışçan törkemen "tınıçlıq doşmanı" dip atadı häm Abbasnı barlıq suğışçan törkemnärne taratırğa öndiäçägen äytte.
Bügen Powell İzrail' premyer-ministrı Ariel Şaron belän oçraştı. Şaron Fälestin xakimiätläre suğışçan törkemnärne betermi torıp, izrail'lelär belän fälestinlelär arasında tınıçlıq bulmayaçaq dide.
Könbatış Yarnıñ Ramalla şähärendä fälestinlelär izrail'lelär maşinasına ut açıp maşinadağı 1 keşene üterde, öçesen yaraladı.
