İsrael premier-ministrı Ariel Şaron häm Fälestin premier-ministrı Mäxmüt Abbas bügen İerusalemda oçraşıp, "solıx yulı" dip atalğan plannı ğämälgä quyu yulların tikşerde. Näticälär turında älegä xäbär itelmi. Şaron Abbasnı Fälestin suğışçıların bastırunı däwam itergä, ä Abbas Şaronnı - İsrael törmälärennän Fälestin totıqların çığarırğa sorar dip kötelä ide. Elegräk İsrael xökümäte 350 totıqnı çığarırğa qarar itkän ide, Fälestin yağı – monıñ belän genä qänägät tügel. Kiläse atnada Abbas Waşingtonda amerikan prezidentı George Buş belän oçraşıra äzerlänä.
