İordan yılğasınıñ könbatış yarında İzrail belän fälästin cirlären ayırıp toraçaq diwar tözeleşenä qarşılıq aksiäläre waqıtında biş keşe yaralanğan. Barısı da çit il keşeläre. İzrail ul diwar Fälästin ekstremistlarına kirtä bulıp toraçaq dip ışana. Bügen Anin awılı yanındağı diwar qapqasın cimerergä dip ike yaqlap cıyılğan xalıqnı quıp taratır öçen xärbilär rezin yädrälär häm küz yäşe çığara torğan ğaz qullanğan.
Bügen İzrailneñ tönyağında ber atna elek yuğalğan İzrail soldatınıñ mäyeten tabıp alğannar. Ul xärbi ekstremistlar tarafınnan urlanğandır digän farazlar bulsa da, saqlanu ministrı Şawl Mafoz, nindi bulsa da näticä yasarğa äle irtäräk dip belderde.
