Rusiä baş prokuraturası neft şirkäte Yukosnıñ finans üzäge bulğan "Menatep"nıñ direktorlar şurası räise Platon Lebedevqa salımnar tüläwdän taypılğan öçen dip, tağın ber ğäyepläw beldergän.
Lebedev 3 iyüldän birle saq astında. Anı 1994 yılda 300 millon dollarlıq aksiälärne üzläşterüdä, añlı räweştä mölkätkä zıyan kiterüdä häm mäxkämä qararın ütämäwdä ğäyeplilär. Uzğan atnada premyer ministr Mixail Kasyanov Lebedevqa qarata mönäsäbäte üzgärmäwen, iqtisadi cinayätlärdä şiklänü genä qulğa alırğa nigez bulırğa tieş tügel dip sanawın beldergän ide.
Baş prokuratura Kasyanovnıñ Yukos kompaniäse turındağı belderüen mäxkämägä basım yasaw dip añlata. Bu xaqta bügen Baş prokuratura wäkile Natalya Vişnyakova belderde.
