Accessibility links

Кайнар хәбәр

Vienada Serb räsmiläre belän Kosovo albannarı arasında söyläşülär bara


Bu 1999-nçı yılğı Kosovo suğışınnan soñ taraflarnıñ berençe märtäbä yözgä-yöz oçraşuı. Kosovo prezidentı İbrahim Rugova oçraşuda "minem ilem Kosovo" "demokratik, tınıç häm bäysez" däwlät bularaq Yewropa Berlegenä häm NATOğa quşılırğa teli dide. Serbiä premyer-ministrı urınbasarı Neboysya Koviç Serbiä Kosovonı Serbiäneñ ber öleşe bularaq qına tanıy ala dip belderde. Xäzerge waqıtta Kosovo Serbiäneñ BMO idaräsendäge ber öleşe dip qarala. Koviç äytüençä, söyläşülärdä Kosovo serbları wäkile bulmağan:

AUDİO: Bügen dialog kilep çıqmadı. Bez oçraşıp ber-berebezne kürdek. Qayber uñay närsälär bar ide - bergä utırıp söyläşä aluıbız. Ämma tiskäre närsälär dä buldı. Qızğanıç ki, Priştina delegatsiäse küpmillätle bulırğa tieş bulsa da andıy tügel ide. Häm, älbättä, bez ni öçen anda serb azçılığı wäkilläre bulmawın añlatıp birüne kötäbez.

Serbiä premyer-ministrı Zoran Jivkoviç söyläşülärneñ berençe öleşe tämamlanğaç bu oçraşuda çın dialog bulmadı dide. Söyläşülärdä Yewropa Berlegeneñ, NATOnıñ häm Yewropada İminlek wä Xezmättäşlek Oyışmasınıñ yuğarı räsmiläre dä qatnaşa. Anda şulay uq Kosovo Kontakt Törkeme dip ataluçı törkemgä kergän Rusiä, AQŞ, Germaniä, Britaniä, Fransiä häm İtaliä wäkilläre dä bar.
XS
SM
MD
LG