Accessibility links

Кайнар хәбәр

Bush terrorğa qarşı suğışta AQŞ-Filipin mönäsäbätlären maqtadı


AQŞ prezidentı G.Bush terrorğa qarşı suğışta Amerika yanında torğan Filipinnnärgä räxmät belderde. Manilada parlamentta yasağan çığışında Bush AQŞ-Filipin xärbi berektäşlege tın Okeanında 'stabillıq taşı' dide. Bush süzlärenä däwam itep bolay dide(audio) terrorğa qarşı suğışta här il üz saylauın yasıy .Terrornı yaqlaunı saylauçı illär sivilizatsiägä qarşı suğışta cinayätkä qatnaşuçı bulıp tora.Terrornı çitkä qağırğa tırışuçılar häm ul başqalarına ğına qağılır dip ömed itüçelär, üzlären aldata, urtaq saqlanunı zäğiflätä häm kiläçäktäge qotoçqıç köç qullanunı däğwät itä. Prezident parlamentta ike ilneñ xärbi partnörlığı nığıtılaçaq, Quşma Ştatları Filipindä al-Qaida belän bäyläneşe bulğan törkemnärne taratıp, mäxkämä aldına kiterü öçen yardäm itäçäk dide.Bush , Filipin xärbi köçlären modernlaştıru häm reformalau öçen texnik yardäm wäğdä itte.Bush kilep töşkäç tä prezident Gloria Arroyo belän ikele söyläşü ütkärde, Ul Manilada 8 säğät kenä torıp Tailandqa kitte. anda ul Aziä-Tın Okeanı ekonomik xezmättäşlek forumı APEC sumitına qatnaşaşaq, ayruça törle citäkçelär belän ayrım oçraşular ütkäräçäk.
XS
SM
MD
LG