Bügen Ğiraqta Quşma Ştatlar citäklägän koalitsiädä xezmät itkän ber Polşa ofitserı hälak buldı. Polşa xärbi köçläreneñ Warşawdağı wäkile polkovnik Zdzislaw Gnatowski, Polşa xärbieneñ ülgänen rasladı, läkin tulıraq mäğlümat birmäde. Höcüm tönyaqtağı Karbala şähärennän yıraq tügel ber urında bulğan. Ğiraqta 9 meñlek Polşa ğaskärläre urnaşqan, bügen berençe polyak xärbie hälak buldı. Bügen Süriä belän çik buyında ber amerikan xärbie hälak buldı, anı- maşinası minağa elägep şartlağan. Şartlatqıçnıñ – Quşma Ştatlar köçlärenä qarşı quyıluımı ällä çik buyın saqlar öçen urnaştırılğan buluımı – busı bilgesez.
