Accessibility links

Кайнар хәбәр

Amerika Quşma Ştatlarında qotırğan sıyır çire tabılğan


Amerika Quşma Ştatlarında berençe tapqır "qotırğan sıyır" çire bulu ixtimalı turında xäbärlär bar.

Awıl xucalığı ministrı Ann Venemannıñ bu xaqtağı belderüe böten ilne şok xälendä qaldırdı: "Bügen bez Quşma Ştatlarnıñ Awıl Xucalığı Ministrlığınıñ İowa ştatındağı tikşerü üzäklärennän – ber Holstein sıyırında xalıq arasında "qotırğan sıyır awıruı" bularaq tanılğan virusnıñ tabıluı turında xäbärlär aldıq. Moña qaramastan bezneñ rizıqlarda qurqınıç yuq, xalıqnıñ bu çirne yoqtıru ixtimalı bik tübän" dip belderde Amerikanıñ awıl xucalığı ministrı.

Bu xäbärdän soñ Amerikadan iñ küp sıyır ite satıp alğan Japoniä häm Könyaq Korea älegä itne almıy toruları turında belderde. Şulay uq Amerikan sıyır itennän Rusiä, Singapur, Taiwan, Malayziä, Hong Kong, , Tailand häm Australiä dä baş tarttı.

Yevropa Berlege, Qıtay, Kanada häm Filippin – bu çikläwlärne kertkänçe älegä wazğiätne tikşerüläre turında belderü yasadı.

Keşeneñ baş mienä zarar kiterä torğan bu awırunı yoqtıru qurqınıçı – cämäğätçelek tuqlanu urınnarında eşläwçelärne dä hafağa saldı.
XS
SM
MD
LG