Çeçnädäge räsmilär äytüençä, bügen soldatlar Groznıy yanında quyı toman eçendä xärbi maşianalar qärwanına taba baruçı maşinağa ut açıp kimendä 1 keşene ütergän.
Xäbärlärgä qarağanda, soldatlar Rusiä yaqlı 3 çeçen militsionerı häm ber xatın qız utırğan maşinağa ut açqan.
Niçä keşeneñ hälak buluı tögäl bilgele tügel.
Çeçen militsiäsendäge çığanaqlar häm cirle prokuratura wäkile Vladimir Kondratenko äytüençä, maşinadağı xatın-qız hälak bulğan, 3 militsioner yaralanğan.
Associated Press agentlığı isä cirle xakimiättän alğan mäğlümätlärgä tayanıp xatın qız häm 2 militsioner üterelgän dip xäbär itä.
