Gruziäneñ yaña prezidentı Mixail Saakaşvili bügen Tbilisi çirkäwendä Milli Kileşü turında belderü imzaladı. Saakaşvili, cämğiättäge tarqawlıqnı beterüne töp maqsat dip atadı. İmzalaw tantanasında Gruziäneñ katolik çirkäwe ruxanie İlia II-nçe qatnaştı. Deputat Eldar Şengelaya süzlärençä, yaqın arada Zviad Gamsaxurdianıñ 1993 yılda Şevarnadzenı bärep töşerü tırışlığınnan soñ qulğa alınğan 30-lap keşene irekkä çığaru turında qarar qabul iteläçäk. Saakaşvili, şulay uq Gamsaxurdianı Gruziägä qaytarıp cirlärgä çaqırdı. Gruziäneñ sovet çorınnan soñ berençe prezidentı Zviad Gamsaxurdia Çeçnya başqlası Groznıyda cirlängän.
