Rusiäneñ atom energiäse ministrı Alexandr Rumyantsev häm Amerika Quşma Ştatları Däwlät Sekratereneñ qoral kontrole häm xalıqara iminlek öçen cawaplı urınbasarı John Bolton bügen Mäskäwdä oçraşıp küpläp üterü qoralın cäyeldermäw turında fiker alıştı. Söyläşülärneñ näticäse älegä mäğlüm tügel, ämma anda İrannıñ atom programması turında da süz barır dip kötelgän ide.
Quşma Ştatlar Rusiäne İranğa Buşer atom zavodında yardäm itüe öçen ğayepli. Rumyantsev isä, üz çiratında İran belän Rusiä arasında atom ölkäsendäge xezmättäşlek tulısınça qanun qısalarında, dip belderde.
Amerikan wäkile John Bolton Mäskäwgä kiçä kilde.
