Oçqıç qazasında hälak bulğan Makedoniä prezidentı Boris Trajkovskinıñ mäyete bügen Sarayevodan Skopyega qaytarıldı.
Trajkovski häm tağın 8 keşe utırğan keçkenä oçqıç uzğan atnakiçtä Bosniäneñ könyağında quyı toman säbäple tawğa bärelep andağı keşelärneñ barısı da hälak buldı.
Bu qazada hälak buluçılarnıñ tabutları Bosniädän Makedoniä älämnäre belän yabılıp oçqıçta alıp qaytıldı.
Alarnı xökümät wäkilläre häm hälak buluçılarnıñ tuğannarı qarşı aldı.
Trajkovski mäyete xuşlaşu öçen irtägä parlament binasına quyılaçaq. Ul comğa könne cirlänäçäk. Başqa qorbannar irtägä cirlänäçäk.
