Eçke eşlär ministrlığı wäkile Nikolay Petruşkin ber mäçet yanında militsiä reydı yaxşı näticälär birde dide. Petruşkin terrorçılıqqa teläktäşlek ruxında buluların kürsätüçe berniçä keşe totqarlandı dide.
Petruşkinnıñ bu belderüe uzğan comğada Mäskäwneñ Tarixi mäçete yanında bulğan tikşerü belän bäyle bula ala. Anda Çomğa namazınnan çığuçılarnıñ dokumentların tikşerü oyıştırılıp, 80-läp keşe totqarlanğan ide.
Totqarlanuçılarnıñ kübese tanıqlıq qäğäzlärenä iä bulmağan Kavkaz häm Üzäk Aziädän kilüçelär dielä. Keşe xoquqların yaqlawçılar mondıy ğämällärne tänqitläp bu uñaydan tikşerü ütkärergä çaqırdı.
