Yevropa Berlegeneñ xäzerge 25 äğzase häm yaña namzätlär Berlekneñ berençe konstitutsiäse iün ayı urtalarına qadär äzer bulırğa tieş, dip kileşte. Mäğlüm bulğança uzğan dekabr ayında töp qanunnı qabul itü İSpaniä häm Polşanıñ protest belderüennän soñ kiçekterelde.
Yevropa Berlege summitında iqtisadi reformalar, Kiprnıñ Berlekkä kergänçe berläşü yulları qaraldı. Berlek, suğıştan soñğı Ğiraqta Berläşkän Millätlär Oyışması udaräsen arttıru turında kileşte. Cıyında räislek itkän İrlandiä premyer-ministrı Bertie Ahern, iqtisadi reformalarnı ğamälgä kertü öçen uzğan 4 yıl belän çağıştırğanda xäzer şartlar yaxşıraq, dip belderde.
