Mäskäw. İkeyaqlı mönäsäbätlär häm xalıqara mäs'älälär xaqında prezident Putin belän söyläşülär öçen bügen Rusiägä Fransiä prezidentı Jacques Chirac kilde. İke citäkçe şuşı oçraşuın bu yulı Mäskäw yanındağı Krasnoznamenskidä ütkärä, anda Rusiäneñ German Titov isemendäge ğäläm üzäge urnaşqan. Prezidentlar anda Rusiä ğäläm köçläre citäkçeläreneñ çığışların tıñladı. Kiçke aş mäclesennän soñ alar ikeyaqlı söyläşülär ütkäräçäk. Kiçä isä Mäskäwdä ber könlek säfär belän Germaniä kanslerı Gerhard Schroeder bulıp kitkän ide. Vladimir Putin aña, Rusiä NATOnıñ kiñäyüennän qurıqmıy, läkin NATOnıñ kiñäyüe xalıqara iminlek problemaların xäl itügä dä yardäm itä almıy dip isäpli dide.
