Accessibility links

Кайнар хәбәр

Yewropa Berlege konstitutsiäse Britaniädä referendumğa çığarılaçaq


Britaniä premyer-ministrı Tony Blair parlamentta çığış yasap Yewropa Berlege konstitutsiäse Britaniädä ilküläm referendumğa çığarılaçaq , cämäğätçelek fikeren soraw zarur dide. Elek Blair bu dokument Britaniäneñ Berlek belän mönäsäbätlärenä nıq tä'sir itmiäçäk, şuña kürä referendum ütkärü kiräk tügel dip täqrarlap kilgän ide. Referendumnıñ qayçan ütkäreläçäge turında berni dä äytelmäde. Berlek äğzaları konstitutsiä turında söyläşülärne äle däwam itä.

AUDİO: Bu dokument Britaniäneñ möhim pozitsiälären üz eçenä ala. Bez xökümät bularaq anıñ belän kileşergä tieş. Kileşkännän soñ yä iyün ayında Yewropa oçraşuında, yä soñraq parlament anı centekläp tikşerergä häm qarar çığarırğa, annan soñ referendumda xalıqqa soñğı süzne äytü mömkinlege birelergä tieş.

Berlektäge 25 däwlät tä ratifikatsiälägännän soñ konstitutsiä ğämälgä keräçäk. Britaniä xalqı qarşı çıqsa Blairnıñ säyäsi karyerasına zur zıyan kiläçäk.
XS
SM
MD
LG