Accessibility links

Кайнар хәбәр

Kerbala şähärendä şığıy suğışçılar AQŞ citäkçelegendäge koalitsiä ğäskärläre belän bäreleşte


Pol'şa xärbiläre süzçese äytüençä suğışçılar koalitsiä maşinalarına ut açqannan soñ atışlar başlanğan. Bolğarstan saqlanu ministrlığı Kerbala höcümendä yaralanğan ber soldatınıñ soñraq hälak buluı turında belderde. Ğiraqnıñ üzäk öleşendäge xalıqara köçlärne Pol'şa citäkli. Şığıylarnıñ radikal' din ähele Muqtada äs-Sadr citäkçelegendäge suğışçılar bu ay başında ğisyan kütärep ilneñ könyağındağı berniçä şähärne üz qullarına aldı häm koalitsiä ğäskärlärenä nıq qarşılıq kürsätte. Bügen Sadr ägär dä koalitsiä ğäskärläre Könyaqtağı izge şığıy şähärlärenä ütep kerergä mataşsa alarğa qarşı intixar höcümnäre belän yanadı.
XS
SM
MD
LG